Jurgen Klopp, stjóri Liverpool, tjáði sig í gærkvöldi um Mohamed Salah, eftir að leikmaðurinn skoraði sneggstu þrennu í sögu Meistaradeildar Evrópu gegn Rangers.
Eftir að hafa lent undir gegn skoska liðinu í gær vann Liverpool 1-7 sigur, þar sem Salah skoraði þrennu á sex mínútum.
Bætti Egyptinn þar með met Bafetimbi Gomis, sem skoraði þrjú mörk á sjö mínútum fyrir Lyon gegn Dinamo Dagreb í desember árið 2011.
Salah hefur átt erfitt tímabil í ensku úrvalsdeildinni í haust, sem og Liverpool liðið í heild. Hann fékk þó að njóta stundarinnar í Glasgow í gær.
„Mo er Mo,“ sagði Klopp eftir leik.
„Sneggsta þrenna í sögu Meistaradeildarinnar. Það er alveg sérstakt,“ bætti hann við.
