Davíð Smári Lamude horfir spenntur til þess að hefja störf sem þjálfari Vestra en hann skrifaði undir samning í dag.
Davíð hefur síðustu ár stýrt Kórdrengjum og unnið þar kraftaverk, liðið fór úr neðstu deild upp í Lengjudeildina þar sem liðið hefur verið í tvö ár.
„Já og nei,“ sagði Davíð um það hvort ákvörðunin um að hætta með Kórdrengi hafi verið verið.
Samúel Samúelsson formaður meistaraflokksráðs hjá Vestra hefur stundum rætt við Davíð. „Sammi hefur nú sagt einhverja hluti við mig. Aðdragandinn var ekki lengur, þrír eða fjórir dagar. Ákvörðunin er mjög stór, mjög erfitt að kveðja Kórdrengi. Þetta hefur verið stór partur af mér og minni fjölskyldu í mörg ár,“ sagði Davíð.
„Verkefnið hjá Vestra er krefjandi og spennandi. Erfið ákvörðun en góð.“
Davíð hefur ekki bara verið þjálfari Kórdrengja heldur hlaupið í öll störf. „Ég er búin að gefa Kórdrengjum allan þann tíma sem mögulegt er síðustu ár. Mér fannst komin tími á breytingar, snúa mér eingöngu að þjálfun. Ég hef verið í mörgum stöðugildum hjá Kórdrengjum og það er helsta ástæðan, manni langar að prófa nýtt. Mér fannst þetta rétt skref fyrir minn feril.“
Vestri átti ágætis spretti í Lengjudeildinni í ár en Davíð segir að laga þurfi ýmislegt. „Leikmannahópurinn er mjög sterkur, einstaklingarnir í liðinu eru sterkir. Það þarf að búa til meiri liðsheild og fá stöðugleika,“ segir Davíð.