Bjarni Helgason stjörnublaðamaður Morgunblaðsins skrifar pistil um kvennalandsliðið í blað dagsins undir lið sem kallast Bakvörður.

Bjarni hefur fylgst afar náið með íslenska kvennalandsliðinu undanfarin ár en liðið missti af HM sæti á þriðjudag.

Hann segir vonbrigði hversu illa liðið hefur spilað í fimm úrslitaleikjum þetta árið.

„Íslenska liðið hef­ur spilað fimm mjög stóra leiki á ár­inu, úr­slita­leiki ef svo má segja, og hef­ur ekki ennþá tek­ist að vinna einn þeirra, sem er dap­urt. Maður vonaðist til þess að liðið myndi taka skref fram á við eft­ir Evr­ópu­mótið í sum­ar en leik­irn­ir gegn Hollandi og Portúgal ein­kennd­ust á stór­um köfl­um af allt of háu spennu­stigi þar sem leik­menn þorðu ekki að halda í bolt­ann eða taka áhættu í upp­spil­inu,“ skrifar Bjarni.

Stjörnublaðamaðurinn gefur svo Twitter sérfræðingum væna sneið þegar hann svarar þeim sem kalla eftir endurnýjun í liðinu.

„Ein­hverj­ir „Twitter-sér­fræðing­ar“ hafa kallað eft­ir end­ur­nýj­un á liðinu, lík­leg­ast þeir sömu og kölluðu eft­ir end­ur­nýj­un á karlaliðinu á sín­um tíma. Brand­arakall­ar. Kvenna­landsliðið þarf enga end­ur­nýj­un, enda allt frá­bær­ir leik­menn, en þær þurfa að fara að spila bolt­an­um bet­ur á milli sín til þess að halda í við aðrar þjóðir sem eru að taka fram úr okk­ur, eins og til dæm­is Portúgal,“ skrifar Bjarni í Morgunblaðið.