Á blaðamannafundi Pep Guardiola, stjóra Manchester City, í aðdraganda leiks liðsins við FC Kaupmannahöfn í Meistaradeild Evrópu í kvöld kom upp vandræðalegt atvik, þegar blaðamaður bað hann um sjálfu.
City heimsækir FCK á Parken í kvöld, eftir að hafa unnið öruggan 5-0 sigur í leik liðanna í Manchester í síðustu viku.
Englandsmeistararnir eru á toppi síns riðils með fullt hús stiga eftir þrjá leiki. Dortmund er í öðru sæti með sex stig og Sevilla og FCK eru svo með eitt stig hvort.
City getur formlega tryggt sig áfram í 16-liða úrslit í kvöld.
Hér að neðan má sjá myndband af því þegar blaðamaðurinn bað um sjálfu af sér og Guardiola. Stjórinn leyfði honum að taka myndina en virtist ekki hafa allt of mikinn áhuga á því.
Pep Guardiola looks very perplexed when a journalist asks for a selfie before his press conference 📱🤣 pic.twitter.com/hmmNMtUKIc
— Football Daily (@footballdaily) October 11, 2022