Mist Edvardsdóttir er gestur í nýjasta þætti Íþróttavikunnar með Benna Bó á Hringbraut. Hún mætti í settið ásamt Herði Snævari Jónssyni, íþróttastjóra Torgs.
Víkingur R. Varð bikarmeistari karla um síðustu helgi. Stærstu fréttirnar eftir leik voru hins vegar af hegðun nokkura stuðningsmanna.
„Manni finnst þau hafa skemmt aðeins afrek Víkinga. Þetta eru þrír bikarmeistaratitlar í röð, það á að vera saga vikunnar. En það voru einhverjir sem fóru aðeins of geyst í söngvatnið,“ segir Hörður.
„En tíu fífl af fimm þúsund, er það ekki bara eins og úti í þjóðfélaginu?“
Það var einn aðili sem vakti mikla athygli en hann ruddi sér tvisvar sinnum leið inn á völlinn í leyfisleysi.
„Þú ert með viljann að verki þegar þú hendir þér tvisvar inn á.“
