Sevilla getur ekki greitt fyrir lánssamning Anthony Martial, komi hann til félagsins frá Manchester United, ásamt því að greiða laun hans að fullu. Þetta segir félagaskiptasérfræðingurinn Fabrizio Romano.
Hinn 26 ára gamli Martial hefur engan veginn staðið undir þeim væntingum sem til hans voru gerðar þegar hann kom til Man Utd frá Monaco árið 2015. Talið er að félagið sé reiðurbúið til að losa sig við Frakkann.
Sevilla er eitt af þeim félögum sem hafa áhuga á Martial en miðað við tíðindin frá Romano þyrfti Man Utd að greiða einhvern hluta launa hans áfram.
Martial hefur komið við sögu í sjö leikjum í ensku úrvalsdeildinni á þessari leiktíð. Í þeim hefur hann skorað eitt mark.