Sigurvin Ólafsson er efstur á blaði hjá ÍA þegar kemur að næsta þjálfara liðsins. Frá þessu segir Hjörvar Hafliðason í hlaðvarpsþætti sínum Dr. Football í dag.
Sigurvin er aðstoðarþjálfari KR og þjálfari KV sem mun leika í 1 deild karla í sumar.
Sigurvin hefur unnið frábært starf í Vesturbænum en nú gæti hann fengið stórt tækifæri sem þjálfari í efstu deild.
Fleiri eru orðaðir við starfið en Ólafur Kristjánsson, Ejub Purisevic og fleiri hafa verið nefndir við starfið.
Jóhannes Karl Guðjónsson lét af störfum í vikunni til að gerast aðstoðarþjálfari landsliðsins. Á meðan leit Skagamanna fer fram mun Guðlaugur Baldursson aðstoðarþjálfari stýra liðinu.
