Peter Schmeichel ræddi nýverið um Englandsmeistaratitil Leicester tímabilið 2015-2016 sem var mikið afrek. Schmeichel telur Claudio Ranieri ekki hafa átt mikið í titlinum, þetta hafi verið afrek leikmanna.
Claudio Ranieri var rekinn frá Watford á dögunum en liðið er í næstsíðasta sæti deildarinnar. Hann var þjálfari Leicester frá 2015-2017 en Peter Schmeichel er ekki hrifinn af honum sem þjálfara.
„Það voru sigurvegarar úti um allt á vellinum sem gátu allir breytt gangi leiksins.“
„Þeir voru á þeim stað að þeir gátu unnið deildina þrátt fyrir að vera með Claudio Ranieri við stjórn,“ sagði Schmeichel í sjálfsævisögu sinni.
„Í upphafi var hann á móti leikstíl Leicester og hann vildi ekki byggja liðið á styrkleikum Jamie Vardy. Þá var hann heldur ekki hrifinn af N´Golo Kante.“