Ítalska knattspyrnufélagið Juventus hefur staðfest komu sóknarmannsins Dusan Vlahovic til félagsins.
Vlahovic er 22 ára gamall serbneskur sóknarmaður sem hefur verið hjá Fiorentina frá 2018. Hann hefur verið frábær á tímabilinu og skorað 17 mörk í Seria A.
Arsenal var mikið orðað við kappann en Arteta hafði mikinn áhuga á Vlahovic. Umboðsmaður hans útskýrði í viðtali að hann hafi einfaldlega ekki haft áhuga á að semja við Arsenal á meðan Juventus sé draumaáfangastaður. Stjórnarmenn Arsenal telja að þeir hafi verið notaðir og að Vlahovic hafi aðeins þóst vilja fara til Arsenal svo að Juve myndi láta til skarar skríða.
Juventus er í fimmta sæti ítölsku deildarinnar og eru stuðningsmenn liðsins afar spenntir yfir Vlahovic og hafa tjáð sig um það á samfélagsmiðlum.