SønderjyskE hefur staðfest kaup sín á Atla Barkarsyni frá Víkingi Reykjavík. Skrifaði Atli undir samning til 2026.
Atli er öflugur vinstri bakvörður sem var frábær í liði Íslands og bikarmeistara Víkings á síðasta ári.
Atli er tvítugur bakvörður sem ólst upp hjá Völsungi en var seldur til Norwich árið 2017.
Hann kom til Víkings árið 2020 frá Fredrikstad í Noregi og hefur blómstrað undir stjórn Arnars Gunnlaugssonar.
Ljóst er að Víkingur mun sakna Atla sem var algjör lykilmaður í besta liði Íslands á síðasta ári.
