Erling Braut Haaland, leikmaður Dortmund, er einn besti framherjinn í heiminum í dag. Hann er þó alltaf að leita leiða til þess að verða betri leikmaður.
Hann horfir mikið á myndbönd af Jamie Vardy, framhjera Leicester City, og telur hann vera besta leikmann í heimi í ákveðnum atriðum innan fótboltans.
„Ég hef verið að horfa mikið á fótbolta og skoða sérstaklega ákveðna leikmenn,“ sagði Haaland við Sky Sports.
„Tökum dæmi, að hlaupa inn fyrir hafsentinn þegar tían er með boltann. Jamie Vardy er bestur í heiminum í því. Ég hef því verið að horfa á myndbönd af honum til þess að læra.“