Marokkó og Malaví mættust í 16-liða úrslitum Afríkukeppninnar í kvöld.
Gabadinho Mhango kom Malaví yfir á sjöundu mínútu þegar hann lét vaða af 40 metra færi og Yassine Bounou í marki Marokkó kom engum vörnum við.
Youssef En-Nesyri jafnaði metin fyrir Marokkó í uppbótartíma fyrri hálfleiks og staðan jöfn þegar liðin gengu til búningsherbergja.
Achraf Hakimi skoraði svo sigurmark leiksins beint úr aukaspyrnu á 70. mínútu en þetta er annað markið sem Hakimi skorar úr aukaspyrnu á Afríkukeppninni og Marokkó komið áfram í 8-liða úrslit.