Crystal Palace tók á móti Liverpool í enska boltanum um helgina. Gestirnir byrjuðu fyrri hálfleikinn vel og braut Virgil van Dijk ísinn strax á 8 mínútu með frábærum skalla eftir hornspyrnu þar sem varnarmenn Palace hreinlega gleymdu að dekka Hollendinginn. Alex Oxlade-Chamberlain tvöfaldaði forystuna á 32. mínútu eftir frábæra stoðsendingu frá Robertson. Þá vöknuðu heimamenn og áttu nokkur hættuleg færi þar til flautað var til hálfleiks.
Áfram hélt sókn Crystal Palace í seinni hálfleik og uppskáru þeir á 55. mínútu er Odsonne Edouard minnkaði muninn. Heimamenn héldu áfram að ógna fram á við en Liverpool fékk mjög umdeilda vítaspyrnu undir lok venjulegs leiktíma. Fabinho skoraði af örryggi úr spyrnunni. Lengra komust heimamenn ekki og 3-1 sigur Liverpool staðreynd.
Að leik loknum fór Jordan Henderson fyrirliði Liverpool að stuðningsmönnum félagsins og gaf ungum stuðningsmanni treyjuna.
Aðili vatt sér þá upp að barninu og reyndi að taka treyjuna af honum. Henderson sá það og var fljótur að skarast í leikinn og sá til þess að barnið hélt í treyjuna.