Real Madrid tók á móti Elche í nokkuð skemmtilegum og fjörugum leik. Leiknum lauk með 2-2 jafntefli.
Lucas Boye kom gestunum yfir á 42. mínútu og leiddi Elche með einu marki er flautað var til hálfleiks.
Pere Milla tvöfaldaði forystu Elche óvænt á 76. mínútu þrátt fyrir látlausar sóknir heimamanna. Þeir gáfust þó ekki upp en Luka Modric minnkaði muninn á 82. mínútu og Eder Militao jafnaði metin í uppbótartíma.
Real Madrid er á toppi deildarinnar með 50 stig, fjórum stigum á undan Sevilla öðru sæti. Elche er í 15. sæti deildarinnar með 23 stig.
Real Madrid 2 – 2 Elche
0-1 Lucas Boye(´42)
0-2 Pere Milla (´76)
1-2 Luka Modric (´82)
2-2 Éder Militao (90+2)