Manchester United tók á móti West Ham í ensku úrvalsdeildinni í gær. Heimamenn sigruðu með einu marki sem kom á lokamínútu uppbótartíma.
Declan Rice, leikmaður West Ham hefur verið orðaður við Manchester United en hann viðurkenndi í viðtali eftir leikinn að hann elski að spila á Old Trafford.
„Ég elskaði það. Það er alltaf jafn gaman að spila á Old Trafford. Ég hef alltaf sagt að það sé einn skemmtilegasti völlurinn til að spila á. Þetta er stórkostlegur völlur.“
Enskir fjölmðilar telja að Ralf Rangnick vilji fá miðjumann til liðsins við fyrsta tækifæri og telur hann að Declan Rice væri fullkominn.