Newcastle hefur áhuga á að krækja í Bernd Leno, markvörð Arsenal. Sky í Þýskalandi segir frá.
Hinn 29 ára gamli Leno missti sæti sitt í byrjunarliði Arsenal fljótlega eftir komu Aaron Ramsdale snemma á þessari leiktíð. Sá síðarnefndi hefur farið á kostum.
Þrátt fyrir að janúarglugginn sé nú opinn þykir líklegra að Leno yfirgefi Arsenal í sumar.
Þjóðverjinn hefur verið á mála hjá Arsenal frá árinu 2018. Samningur hans við Lundúnafélagið rennur út eftir næstu leiktíð.
Íslenski landsliðsmarkvörðurinn Rúnar Alex Rúnarsson er einnig á mála hjá Arsenal. Hann fór hins vegar til Leuven í Belgíu á láni snemma á þessari leiktíð. Hann var orðinn þriðji markvörðurinn í goggunarröðinni á eftir Ramsdale og Leno.