Leiknir Reykjavík samdi í gær við tvo nýja leikmenn fyrir átökin í efstu deild karla næsta sumar. Þá gerði Brynjar Hlöðversson nýjan samning við félagið.
Danski framherjinn Mikkel Dahl gerði tveggja ára samning við Breiðhyltinga. Hann var síðast hjá HB í Færeyjum þar sem hann raðaði inn mörkum, skoraði 42 mörk í 48 leikjum. Dahl er 28 ára gamall.
Þá er annar Dani, Mikkel Jakobsen, mættur í Leikni. Hann lék síðast með NSÍ Runavík í Færeyjum. Hann kom upp í gegnum unglingastarf Midtjylland. Jakobsen er 22 ára gamall og getur leikið á miðju og kanti.
Brynjar skrifaði svo undir nýjan tveggja ára samning við Leikni.
Leiknir hafnaði í áttunda sæti efstu deildar síðasta sumar.
1/3: Mikkel Dahl setti markamet í færeysku Betri deildinni en er nú mættur í Breiðholtið og skrifar undir 2 ára samning. 28 ára danskur framherji 🇩🇰 #StoltBreiðholts pic.twitter.com/cqz6NgVY0x
— Leiknir Reykjavík FC (@LeiknirRvkFC) January 21, 2022
3/3: Og hér er Mikkel Jakobsen. 22 ára Dani sem var í margrómuðu unglingastarfi Midtjylland. Vinstri kantmaður og miðjumaður sem lék með NSÍ Runavík í Færeyjum í fyrra og lék á sínum tíma fyrir U16 landslið 🇩🇰 #StoltBreiðholts pic.twitter.com/l87rZ70Bed
— Leiknir Reykjavík FC (@LeiknirRvkFC) January 21, 2022
2/3: Meiri @BinniHlo! Nýr tveggja ára samningur við einn af okkar dáðustu sonum. Mikið gleðiefni að halda einum af bestu varnarmönnum síðasta tímabils #StoltBreiðholts pic.twitter.com/BHx8q0cAqu
— Leiknir Reykjavík FC (@LeiknirRvkFC) January 21, 2022