Thomas Frank, knattspyrnustjóri enska úrvalsdeildarfélagsins Brentford, segir Manchester United ótrúlega heppið lið eftir viðureign liðanna í gær sem endaði með 3-1 sigri Manchester United.
,,Ég er ótrúlega stoltur af mínu liði. Við erum minnsta félagið í ensku úrvalsdeildinni og Manchester United er það stærsta. Við gengum frá þeim í fyrri hálfleik, þeir áttu ekki einu sinni hálffæri, við fáum síðan þrjú mjög góð færi til þess að klára leikinn en við gerðum það ekki og eftir það gat aðeins eitt lið unnið þennan leik,“ sagði Thomas Frank í viðtali eftir leik.
,,Þeir voru ótrúlega heppnir. Ég þekki allt um það að nýta færin sín. Þeir breyttu leikkerfi sínu gegn litla liðinu Brentford, ég er svo ótrúlega stoltur af liðinu mínu.“
Hann segir að ef horft sé til alls þess sem gerðist á þessum 90 mínútum gærkvöldsins, sé aðeins einn sigurvegari.
,,Ég veit að mörk breyta leikjum en ef þú horfir á heildar frammistöðu yfir 90 mínútur þá var aðeins einn sigurvegari í leiknum, það voru við,“ sagði Thomas Frank, knattspyrnustjóri Brentford eftir leik sinna manna í gær.
Brentford er nýliði í ensku úrvalsdeildinni, hefur gengið vel hingað til og situr í 14. sæti deildarinnar með 23 stig eftir 22 leiki. Manchester Untied situr í 7. sæti með 35 stig.