Cristiano Ronaldo, stjörnuleikmaður Manchester United, var allt annað en sáttur eftir að hafa verið tekinn af velli á 71. mínútu í leik Brentford og Manchester United í ensku úrvalsdeildinni í gær.
Ronaldo var tekinn af velli fyrir varnarmanninn Harry Maguire í stöðunni 2-0, hann strunsaði af velli, muldraði nokkur vel valinn orð um leið og virtist allt annað en sáttur þar sem hann settist í steyptar tröppur við varamannabekk Brentford.
Cristiano Ronaldo did NOT like being taken off against Brentford 😡 pic.twitter.com/9OT32QE3fY
— DAZN Football (@DAZNFootball) January 19, 2022
Leiknum lauk með 3-1 kærkomnum sigri Manchester United en mörk liðsins skoruðu Anthony Elanga, Mason Greenwood og Marcus Rashford.
Manchester United er sem stendur í 7. sæti ensku úrvalsdeildarinnr með 35 stig eftir 21 leik.
Ronaldo er mikill keppnismaður og vill spila allar mínúturnar, alltaf. Hann var hins vegar fljótur að jafna sig á skiptingu kvöldins í færslu á samfélagsmiðlinum Twitter í gærkvöldi sagði hann um mikilvæg þrjú stig að ræða fyrir liðið.
,,Vel gert drengir,“ var á meðal þess sem stóð í færslu Ronaldo.
3 important points! well done lads 💪🏽👏🏽 pic.twitter.com/nzPNhrdIAi
— Cristiano Ronaldo (@Cristiano) January 19, 2022