Þrír Íslendingar voru í byrjunarliði FC Kaupmannahafnar sem etur nú kappi við Hvidovre IF í æfingaleik. Um er að ræða þá Ísak Bergmann Jóhannesson, Andra Fannar Baldursson og Orra Stein Óskarsson. Þá er Hákon Arnar Haraldsson á varamannabekk liðsins.
Þegar þetta er skrifað er staðan 1-0 fyrir FC Kaupmannahöfn og það var íslensk samvinna sem skóp markið. Ísak Bergmann átti stoðsendinguna á Orra Stein sem kom boltanum í netið og skoraði um leið sitt fyrsta aðalliðsmark fyrir FC Kaupmannahöfn.
Orri Steinn Óskarsson first goal for FCK 1st team. After an assist from Ísak Bergmann Jóhannesson 🇮🇸⚽️⭐️👌 pic.twitter.com/ctkqdsgowQ
— Magnus Agnar Magnusson (@totalfl) January 19, 2022
Orri Steinn er 17 ára gamall framherji sem gekk til liðs við FC Kaupmannahöfn árið 2019 frá Gróttu. Hann á að baki 18 meistaraflokksleiki hér á landi og skoraði í þeim fjögur mörk.
Þá hefur hann spilað fyrir öll yngri landslið Íslands og hefur meira að segja fengið tvo leiki með u-21 árs landsliðinu þrátt fyrir ungan aldur.