Nýir og moldríkir eigendur Newcastle ætla að koma félaginu í efstu röð á Englandi á næstu árum. Planið var að versla vel í janúar og hafa tveir leikmenn hafa gengið til liðs við félagið í mánuðinum, þeir Kieran Trippier og Chris Wood.
Fleiri leikmenn hafa þó verið orðaðir við félagið, meðal annars Eden Hazard og Anthnoy Martial en þeir hafa báðir neitað.
Mario Balotelli er einnig á óskalista félagsins en Newcastle hefur ekki gert formlegt tilboð í leikmanninn skrautlega.
Balotelli þekkir ensku úrvalsdeildina vel en hann hefur bæði leikim með Manchester City og Liverpool. Hann er nú í Tyrklandi og leikur með Adana Demirspor og staðfesti forseti félagsins að eigendur Newcastle hefðu áhuga. Þeir eiga þó enn eftir að gera tilboð og forseta Tyrkneska félagsins ætlar ekki að leyfa honum að fara nema almennilegt tilboð berist.