Raheem Sterling, sóknarmaður Manchester City, deildi fremur skemmtilegu myndbandi af syni sínum á samfélagmiðlum á dögunum.
Á myndbandinu má sjá son hans, leika listir sínar með bolta heima hjá fjölskyldunni en það sem vekur mikla eftirtekt netverja er fagn sonarins er hann kemur boltanum í lítið mark sem er staðsett í stofu fjölskyldunnar.
Af fagninu að dæma má draga þá ályktun að Cristiano Ronaldo, leikmaður Manchester United, erkifjenda Manchester City, sé í uppáhaldi. Það þarf hins vegar ekki að koma á óvart þar sem að Ronaldo, sem er af mörgum talinn einn besti leikmaður knattspyrnusögunnar, er í uppáhaldi hjá mörgum.
Einnig er fagnið hans vel þekkt og einmitt það fagn sem sonur Sterlings ákvað að nota í tengslum við sína markaskorun.
Raheem Sterling shares a video of his 5-year-old son Thiago with the footwork ⚽️ pic.twitter.com/hkCQkO9Trb
— Dionne Grant (@DionneGrant) January 16, 2022