Þýski knattspyrnudómarinn Felix Zwayer, segis hafa fengið líflátshótanir eftir að hafa verið sakaður um að hafa hagrætt úrslitum í leik Borussia Dortmund og Bayern Munchen á síðasta ári.

Jude Bellingham, leikmaður Dortmund, sakaði Felix um svindl og lýsti undrun sinni á því að dómari sem hafði verið sakaður um að hafa hagrætt úrslitum í leik árið 2005 fengi að dæma svo stóran leik á ný.

Á sínum tíma fékk Felix sex mánaða bann fyrir þátttöku sína í hagræðingu á leik í næst efstu deild Þýskalands. Hann segist hafa fengið fjölda skilaboða eftir viðtal Bellingham.

,,Ég hef fengið fullt af skilaboðum, meðal annars á netfangið mitt, sum þeirra eru ótrúleg og erfitt að meðtaka þau. Lögreglan í Berlín hafði samband við mig til þess að segja mér frá því að á Internetinu væri ég að fá líflátshótanir,“ sagði Felix í samtali við Sky Sports, hann segir málið hafa komið ansi illa við fjölskyldu sína.

,,Á þessum tíma átti ég að dæma landsleik þremur dögum síðar. Ég reyndi að kveðja eiginkonu mína en hún brast bara í grát, ekki vegna þess að hún saknar mín þegar að ég er í burtu heldur vegna þess að hún hefur áhyggjur af mér,“ sagði Felix Zwayer, knattspyrnudómari.