Aston Villa tók á móti Manchester United í ensku úrvalsdeildinni í kvöld í nokkuð skemmilegum leik. Man Utd var tveimur mörkum yfir þar til Coutinho kom inn og Aston Villa jafnaði leikinn á nokkrum mínútum. Ralf Rangnick var mjög vonsvikinn að leik loknum.
„Það er mjög erfitt að finna eitthvað jákvætt til að segja eftir þennan leik. Mér leið eins og þetta hafi verið besti leikur liðsins undir minni stjórn, við stjórnuðum leiknum fyrstu 30 mínúturnar,“ sagði Rangnick við Sky Sports.
„Svo fórum við að gefa frá okkur boltann of mikið og vorum ekki eins þéttir fyrir og fengum á okkur tvö mörk. Við verðum að verjast betur í þessari stöðu.“
„Ég er mjög vonsvikinn en mér líður samt eins og þetta sé skref fram á við en þetta snýst um að ná úrslitum og núna töpuðum við tveimur stigum.“