Íþróttir geta haldið áfram af fullum krafti en það án áhorfenda í nýjum takmörkunum sem Willum Þór Þórsson heilbrigðisráðherra setti í dag.

Hertar takmarkanir voru kynntar í dag en knattspyrnuþjálfarinn fyrrverandi leyfir íþróttum að halda áfram.

Æfingamót fótboltans eru í fullum gangi og þá eru aðrar íþróttir í fullu fjöri.

Megininntak reglna um samkomutakmarkanir með þeim breytingum sem verða á miðnætti
Almennar fjöldatakmarkanir fara úr 20 í 10 manns.
Áfram 2 metra nálægðarmörk og óbreyttar reglur um grímuskyldu.
Áfram 20 manns að hámarki í rými á veitingastöðum og óbreyttur opnunartími.
Sviðslistir heimilar með allt að 50 áhorfendum í hólfi.
Heimild til aukins fjölda með hraðprófum fellur brott.
Sund-, baðstaðir, líkamsræktarstöðvar og skíðasvæði áfram með 50% afköst.
Íþróttakeppnir áfram heimilar með 50 þátttakendum en án áhorfenda.
Hámarksfjöldi í verslunum fari úr 500 í 200 manns.
Skemmtistöðum, krám, spilasölum og spilakössum verður lokað.