„Við getum breytt hlutunum,“ sagði Cristiano Ronaldo framherji Manchester United sem segist vita hvert vandamál Manchester United er en vill ekki tjá sig um það. Hann kveðst ekki hafa komið til United til að berjast um miðja deild.
Það hefur gengið mikið á hjá Manchester United frá komu Cristiano Ronaldo til félagsins. Sóknarmaðurinn knái byrjaði með látum en hann hefur ekki fundið sig undanfarið.
„Ég veit ekki hina fullkomnu leið úr vandamálinu því ég er leikmaður en ekki þjálfari. Ég veit reyndar leiðina en ég ræði hana ekki, það er ekki hluti af mínu starfi.“
Ronaldo segist ekki vilja vera hjá félagi sem er ekki að berjast um titla. „Manchester United á að vera á meðal efstu liða að berjast um eitthvað. Ég vil ekki vera hjá félagi sem er að berjast um sjötta eða sjöunda sæti. Ég er hér til að vinna, til að berjast um hluti. Við höfum ekki fundið okkar besta form.“
„Við getum bætt okkur mikið og ef við breytum hugarfarinu þá getum við náð langt.“
Ralf Rangnick tók við þjálfun liðsins á dögunum en liðinu hefur ekkert farið fram á þeim tíma. „Kerfið hans er gott en við verðum að hafa rétt hugarfar á vellinum,“ sagði Ronaldo.
„Það er löng leið fyrir okkur, þú verður að líta í eigin barm og gera betur. Við þurfum að slátra einhverjum hlutum til að byggja upp þá góðu.“
„Ég tel okkur geta endað með gott tímabil, við vitum að það tekur tíma með hugmyndir þjálfarans. Þetta tekur tíma en við verðum að vera atvinnumenn. Leggja meira á okkur.“