Borussia Dortmund hefur áhuga á því að fá Amad Diallo ungan kantmann Manchester United á láni út þessa leiktíð.
Diallo var á leið til Feyenoord síðasta sumar þegar hann meiddist og ekkert varð úr því að hann fengi dýrmæta reynslu.
Diallo er 19 ára gamall en United keypti hann frá Atalanta fyrir ári síðan.
Derby reynir að fá Diallo frá United en þar er Wayne Rooney fyrrum framherji liðsins stjóri. Rooney vill ólmur fá Diallo.
Derby er í fallsæti í næst efstu deild en 21 stig var tekið af liðinu vegna fjárhagserfiðleika. Liðið er ellefu stigum frá öruggu sæti í deildinni og þarf því kraftaverk.
Dortmund gæti verið meira spennandi kostur en félagið er þekkt fyrir að gera góða hluti með unga leikmenn.
