Tveir leikir fóru fram í Afríkukeppninni í dag. Leikið var í annari umferð A-riðils.
Kamerún er komið áfram í 16-liða úrslit eftir 4-1 sigur á Eþíópíu. Eftir að Eþíópía hafði komist yfir á 4. mínútu með marki Dawa Hotessa sneru heimamenn leiknum við. Karl Toko Ekambi jafnaði á 8. mínútu og var jafnt í hálfleik.
Vincent Aboubakar kom Kamerún svo í 3-1 með mörkum á fyrstu tíu mínútum seinni hálfleiks. Toko Ekambi skoraði svo fjórða markið.
Kamerún er sem fyrr segir komið áfram. Liðið er með 6 stig á toppi A-riðils. Eþíópía er á botninum án stiga.
Búrkína Fasó vann þá Grænhöfðaeyjar, 0-1. Hassane Bande skoraði eina mark leiksins á 39. mínútu. Bæði lið eru með 3 stig í riðlinum.
