Patrice Evra fyrrum knattspyrnumaður segir að leikmenn hafi ekki viljað hafa samkynhneigða leikmenn í klefanum, þetta hafi komið fram í máli leikmanna þegar þetta málefni bar á góma.

Evra lék lengi vel með Manchester United en hann var einnig hjá Juventus, Monaco og West Ham.

„Þegar ég var í Englandi var rætt um samkynhneigð í liðinu. Leikmenn töluðu sumir um að þetta væri gegn trú þeirra og ef það væri samkynhneigður maður í klefanum þá ætti að henda honum burt frá félaginu,“ sagði Evra.

„Ég sagði þeim að halda kjafti, ég spilaði með samkynhneigðum leikmönnum. Þeir ræddu málið við mig en óttuðust að opna sig um þetta.“

„Það eru að minnsta kosti tveir samkynhneigðir leikmenn í hverju liði. Í heimi fótboltans er hins vegar bannað að ræða þetta.“

Það er enginn samkynhneigður leikmaður í ensku úrvalsdeildinni sem hefur reynt að opna ítrekað á umræðu um þetta.