Íslenska landsliðið mætti Úganda í æfingaleik í dag en leikið var í Belek í Tyrklandi þar sem íslenska liðið dvelur þessa dagana.

Um er að ræða hálfgert B-lið´Íslands en bestu leikmenn liðsins fá ekki að taka þátt í verkefninu þar sem ekki er um að ræða alþjóðlega leikdaga hjá FIFA.

Jón Daði Böðvarsson kom íslenska liðinu yfir strax á sjöttu mínútu en þetta var fyrsti fótboltaleikur Jón Daða í fimm mánuði. Staða hans hjá Milwall er erfið og leitar hann að nýju félagi.

Ari Leifsson braut svo klaufalega af sér eftir um hálftíma leik og vítaspyrna var dæmd. Patrick Henry Kaddu fór á punktinn og jafnaði fyrir Úganda. Þar við sat en leikurinn var bragðdaufur.

Einkunnir úr leiknum má sjá hér að neðan.

Spila þarf tuttugu mínútur til að fá einkunn.

Jökull Andrésson (´46) 5
Reyndi ekkert á Jökul fyrir utan vítaspyrnuna.

Valgeir Lunddal Friðriksson 5
Komst ágætlega frá sínu

Ari Leifsson 3
Algjör aulaskapur í varnarleik þegar Ari gaf vítaspyrnuna.

Finnur Tómas Pálmason 5
Íslenska liðið þurfti líti að gera í varnarleik og komst vel frá sínu

Atli Barkarson 6
Gerði hlutina vel, klár í næsta skref í atvinnumennsku.

Viktor Örlygur Andrason 6
Gerði þá hluti sem hann átti að gera mjög vel, framhald frá síðustu leiktíð.

Viktor Karl Einarsson (´74) 6 – Maður leiksins
Sá miðjumaður Íslands sem reyndi að búa til hluti, góður í að fá boltann á milli lína og finna sendingar.

Valdimar Þór Ingimundarson (´60) 5
Komst lítið inn í leikinn.

Arnór Ingvi Traustason (´80) (F) 5
Fyrirliðinn barðist vel en skapaði lítið.

Viðar Ari Jónsson (´60) 6
Frábær fyrirgjöf sem bjó til markið fyrir Jón Daða.

Jón Daði Böðvarsson (´60) 6
Langrþráður fótboltaleikur og frábært mark. Fjórða landsliðsmark Jóns Daða sem vonandi fær nýtt félagslið á næstu dögum.

Varamenn:

Hákon Rafn Valdimarsson (´46) 5
Höskuldur Gunnlaugsson (´60) 5
Gísli Eyjólfsson (´60) 5
Sveinn Aron Guðjohnsen (´60) 5
Kristall Máni Ingason (´74)
Davíð Kristján Ólafsson (´80)