Finnur Tómas Pálmason og sænska knattspyrnufélagið IFK Norrköping hafa komist að samkomulagi um að rifta samingi leikmannsins við félagið. Ákvörðunin var tekin í sameiningu en þetta kom fram á samfélagsmiðlum félagsins í gær.

Samkvæmt heimildum 433.is getur Finnur valið úr tilboðum hér heima en fjöldi liða vill fá miðvörð í sínar raðir. Þannig hefur KR haft áhuga á endurkomu Finns en Valur hefur einnig sýnt Finni mikinn áhuga samkvæmt heimildum.

Víkingur leitar að miðverði til að fylla skörð Kára Árnasonar og Sölva Ottesen og hafa áhuga á Finni. Þá vill FH fá miðvörð til sín en óvíst er hvort félagið bjóði Finni samning.

Ljóst er að Finnur er í góðri stöðu til að fá góðan samning við heimkomu til Íslands.

Finnur gekk til liðs við Norrköping í janúar á síðasta ári en var nokkuð utan hóps og varði sumrinu á láni hjá KR. Finnur er uppalinn í Vesturbænum og lék með KR áður en hann hélt út en upprunalegi samningur hans við sænska liðið gildi til ársins 2024.

Finnur, sem er 20 ára gamall miðvörður, er í verkefni með A-landsliði Íslands eins og stendur. Ísland mætir Úganda á morgun og Suður-Kóreu þann 15. janúar.