Ferran Torres má loks spila með Barcelona en félaginu hefur tekist að búa til gat í bókhaldi sínu til að skrá hann.
La Liga er með Barcelona í strangri gæslu en félagið keypti Torres frá Manchester City fyrir 55 milljónir punda á dögunum. Barcelona borgar þá upphæð yfir nokkur ár.
Félagið var hins vegar ekki með gat í launaskrá sinni til að koma Torres að. Þannig þurfti félagið að losa Philippe Coutinho á láni, það var ekki nóg.
Samuel Umtiti hefur svo losað félagið úr snörunni. Hann tók á sig nokkra launalækkun en fékk samning til 2026 í staðinn. Fyrri samningur Umtiti átti að gilda til 2023.
Stuðningsmenn Barcelona þola ekki Umtiti sem spilar lítið en með þessu gat Barcelona skráð Torres til leiks.