Jón Daði Böðvarsson framherji Milwall er í góðu formi og klár í slaginn með íslenska landsliðinu. Framherjinn knái hefur upplifað mjög erfiða tíma.
Jón Daði fær varla að vera í hóp hjá Milwall en hann spilaði örfáar mínútur í ágúst en síðan hefur hann ekkert spilað.
Framherjinn fékk leyfi til að fara í landsliðsverkefni Íslands sem nú er í gangi. Það segir ýmislegt um stöðu hans hjá Milwall þar sem liðið er á fullu að spila.
„Það er það góða við Jón Daða, hann er ótrúlegur atvinnumaður. Við völdum hann ekki bara af því sem hann hefur gert fyrir íslenska landsliðið. Við höfðum samband við hans klúbb og þjálfarateymi,“ sagði Arnar Þór Viðarsson á fundi í dag.
„Hann er mikill atvinnumaður og hefur æft mjög vel alla þessa mánuði úti í kuldanum. Það er gott að fá hann, þjálfarar vita hvað þeir fá frá honum. Hann er ánægður að vera kominn hingað inn, annað andrúmsloft, finna jákvæðan takt og spila fótboltaleik.“
Jón Daði var lykilmaður í gullaldarliði Íslands og myndaði öflugt framherjapar með Kolbeini Sigórssyni.