Arnar Grétarsson lét af störfum sem þjálfari KA á föstudag en félagið ákvað að láta hann hætta eftir að Arnar gerði munnlegt samkomulag við annað félag.

Fjallað hefur verið um það að Arnar sé að taka við Val eftir tímabilið en Ólafur Jóhannesson verður þá samningslaus.

„Þetta eru Exit sem báðir aðilar vildu, það heyrðist úr báðum áttum. KA reyndist Arnari vel og Arnari reyndist KA vel,“ sagði Hjörar Hafliðason í hlaðvarpsþættinum Dr. Football.

Það vekur nokkra athygli að KA bauð Arnari aldrei nýjan samning en Jóhann Már Helgason telur að allt hafi farið af stað þegar Arnar Grétarsson fór í viðtal á Stöð2 á dögunum. KA situr í þriðja sæti Bestu deildarinnar fyrir úrslitakeppni en Hallgrímur Jónasson tekur við.

„Þetta byrjar allt með þessu fræga viðtali sem Arnar fer í og segir að ekki sé byrjað að ræða nýjan samning og hann gefur svo sterkt til kynna að hann geti frekar hugsað sér að þjálfa lið á höfuðborgarsvæðinu. KA gera aldrei neitt samningstilboð, hann gaf til kynna að hann vildi ekki vera þarna áfram,“ segir Jóhann.

Valur hafi reynt að fá Heimi Hallgrímsson til starfa en þegar hann afþakkaði boðið var röðin komin að Arnari. „Þegar Heimir Hallgrímsson var ekki að fara að taka við Val, þá stökkva þeir hratt til.“

Hjörvar segir að kergja hafi verið fyrir Norðan. „Eins og það hefur gengið frábærlega hjá KA þá hefur mikið gengið á,“ segir Hjörvar og hélt áfram. „Arnar þarf að líka að róa allt í kringum sig, það hefur verið æsingur í kringum hann. Þeir Valsmenn sem ég þekki myndu ekki fýla þetta allt, núna þarf hann að taka fund með öllu sínu gengi og segja öllum að róa sig.“