Á morgun mun Arnar Þór Viðarsson, þjálfari karlalandsliðs Íslands, tilkynna landsliðshóp fyrir leiki síðar í mánuðinum. Þar gætu þekkt nöfn snúið aftur eftir fjarveru.
Ísland mætir Venesúela í vináttulandsleik í Austurríki eftir slétta viku. Fimm dögum síðar keppir liðið gegn Albaníu í lokaleik sínum í Þjóðadeild UEFA.
Aron Einar Gunnarsson, sem hefur borið fyrirliðabandið í landsliðinu þegar hann er með, er einn af þeim sem gæti snúið aftur. Fótbolti.net sagði frá þessu á dögunum.
Ríkissaksóknari staðfesti niðurfellingu hérðassaksóknara í meintu nauðgunarmáli hans í Kaupmannahöfn árið 2010 niður í síðasta mánuði. Hann er því til taks á ný.
Aron Einar hefur ekki leikið með landsliðinu síðan í júní í fyrra. Hann hefur hins vegar verið í fullu fjöri með félagsliði sínu, Al Arabi í Katar.
Fótbolti.net sagði þá einnig frá því að Alfreð Finnbogason og Jóhann Berg Guðmundsson gætu snúið aftur í hópinn.
Jóhann spilaði að vísu ekki síðasta leik með Burnley og má því setja spurningamerki við þátttöku hans í komandi landsliðsverkefni.