Hinn magnaði Erling Braut Haaland skoraði sigurmark Manchester City gegn Borussia Dortmund í Meistaradeild Evrópu í gær. Hann er fyrrum leikmaður þýska félagsins.
Haaland er aðeins 22 ára gamall, en þetta var hans 26. mark í Meistaradeildinni.
Jude Bellingham hafði komið Dortmund yfir á 56. mínútu. City þjarmaði að gestunum og John Stones jafnaði á 80 mínútu, áður en Haaland skoraði sigurmarkið fjórum mínútum síðar.
Eftir leik var Haaland á leið í viðtal og gekk framhjá starfsfólki Dortmund. „Ekki berja mig,“ sagði hann léttur, eftir að hafa tekið öll þrjú stigin á móti sínu gamla liði.
Myndband af þessu má sjá hér að neðan.
“Don’t beat me up” 😳
Haaland’s message to the Dortmund staff after the game… 😂 pic.twitter.com/myErbjbAU2
— SPORTbible (@sportbible) September 15, 2022