Lið ÍBV var svo nálægt því að stela senununni í Bestu deild karla í dag er liðið mætti meisturum Víkings á útivelli í 20. umferð sumars.
ÍBV er alls ekki á því máli að falla niður um deild og var svo nálægt því að vinna í raun ótrúlegan 2-1 útisigur.
ÍBV komst 2-0 yfir með mörkum frá Andra Rúnari Bjarnasyni og Arnari Breka Gunnarssyni og svo fékk markmaðurinn Jón Kristinn Elíasson rautt spjald undir lok fyrri hálfleiks.
Logi Tómasson hafði minnkað muninn fyrir Víking á 28. mínútu en tíu menn ÍBV náðu að halda stöðunni í 2-1 alveg þar til á 94. mínútu.
Halldór Smári Sigurðsson skoraði þá jöfnunarmark Íslandsmeistarana til að tryggja stig sem gæti gert sitt að lokum í titilbaráttunni.
ÍBV er í 9. sætinu með 20 stig eftir 20umferðir og er sex stigum frá fallsæti.
Víkingar eru enn níu stigum á eftir toppliði Breiðabliks og þurfti í raun sigur í dag til að ógna toppsætinu af einhverri alvöru.
Einnig var leikið á Domusnovavellinum en þar skildu Leiknir R. og FH við markalaus.
FH átti svo sannarlega að vinna þennan leik en liðið klikkaði á tveimur vítaspyrnum í viðureigninni.
Steven Lennon klúðraði því fyrra á 48. mínútu og Björn Daníel Sverrisson því síðar þegar 96 mínútur voru komnar á klukkuna.
Víkingur R. 2 – 2 ÍBV
0-1 Andri Rúnar Bjarnason(’11)
0-2 Arnar Breki Gunnarsson(’18)
1-2 Logi Tómasson(’28)
2-2 Halldór Smári Sigurðsson(’94)
Leiknir R. 0 – 0 FH