Manchester United færist nær því að semja við Real Madrid um kaup á miðjumanninum Casemiro. The Athletic greinir frá.
Sjálfur er Brasilíumaðurinn talinn opinn fyrir því að ganga í raðir United. Hann yrði á meðal launahæstu leikmanna liðsins ef hann skrifar undir.
Hinn þrítugi Casemiro er gífurlega reynslumikill. Hann hefur þrisvar sinnum orðið spænskur meistari með Real Madrid og fimm sinnum Evrópumeistari, svo eitthvað sé nefnt.
United hefur í allt sumar reynt að styrkja miðju sína. Liðið hafði lengi vel mikinn áhuga á Frenkie de Jong. Það virðist þó ekki svo sem félagið nái að krækja í hann frá Barcelona.
Rauðu djöflarnir þurfa á allir styrkingu sem þeir geta fengið að halda. Liðið hefur tapað báðum leikjum tímabilsins það sem af er í ensku úrvalsdeildinni, þar af 4-0 gegn Brentford um síðustu helgi.