Chelsea vill fá þrjá leikmenn áður en félagaskiptaglugginn lokar í lok mánaðar.
Þetta segir blaðamaðurinn Kaveh Solhekol hjá Sky Sports en Chelsea er nú að byggja upp glænýtt lið eftir komu nýrra eigenda.
Solhekol segir að Thomas Tuchel, stjóri Chelsea, sé með þrjú nöfn efst á blaði og vill að félagið semji við þá sem fyrst.
Pierre Emerick-Aubameyang er einn af þeim leikmönnum en hann er hjá Barcelona og var áður hjá Arsenal.
Wesley Fofana er annar leikmaður sem þekkir til Englands en varnarmaðurinn er á mála hjá Leicester.
Þá er Frenkie de Jong ofarlega á óskalista Tuchel en hann er einnig hjá Barcelona og hefur verið orðaður við Manchester United í allt sumar.