Þriðji dagur í réttarhöldum yfir Ryan Giggs hefst í dag en hann er sakaður um gróft ofbeldi gegn fyrrum unnustu sinni. Lögmaður Giggs segir áverka í andliti Kate Greville vera eftir harkalegt kynlíf en ekki ofbeldi.
Þessi fyrrum leikmaður Manchester United er sakaður um að ofbeldi gegn fyrrverandi kærustu sinni og að hafa ráðist á systur hennar. Líkamlega ofbeldið sem um ræðir er sagt hafa átt sér stað árið 2020. Þá er Giggs sakaður um að beita Kate Greville, fyrrverandi kærustu sína, andlegu ofbeldi á árunum 2017-2020.
Fram kom í dag að Kate hefði týnt tveimur símum eftir að málið fór á borð lögreglu. Kate segir að fyrst hefði sími hennar dottið út í á þegar hún var að bjarga hundi sínum. Hinum símanum var svo stolið af henni.
„Ég hafði miklar áhyggjur af þessu,“ sagði Kate.
Lögregla bað um leyfi til að skoða Icloud aðgang hennar og gaf Kate fyrst um sinn leyfi fyrir því en svo bannaði hún það.
Kate sagðist hafa áhyggjur af því að gögn tengd vinnu hennar myndu leka út. „Ég vildi ekki skemma feril minn, ég var hrædd,“ sagði Kate sem aðstoðar frægt fólk með fullt af málum sem koma upp.
Kate sagðist hafa eytt talsvert af skilaboðum og gögnum úr símanum sem tengdust vinnu hennar.
