Enska úrvalsdeildin hefst í kvöld þegar Arsenal heimsækir Crystal Palace á Selhurst Park.
Sérfræðingar um allan heim hafa undanfarið verið í óða önn við að spá í spilin fyrir deildina. Nú hafa nokkrir þeirra spáð fyrir um hvaða lið verða í efstu fjórum sætunum og hvernig þau raðast.
Rob Green, fyrrum markvörður Chelsea, Leeds, West Ham og fleiri liða er einn af þeim sem hefur spáð fyrir um efstu fjögur. Spá hans hefur þó vægast sagt vakið athygli.
Green spáir Manchester City titlinum, eins og margir. Það er svo í spá hans fyrir annað sæti deildarinnar sem fólk fer að reka upp stór augu. Þar er hann nefnilega með Manchester United.
Liverpool er svo í þriðja sæti hjá Green og Tottenham í því fjórða.