Grótta er komin á toppinn í Lengjudeild karla eftir 4-1 sigur á Fjölni í síðustu umferð. Liðið hefur komið mörgum á óvart.
Liðið var til umræðu í markaþætti Lengjudeildarinnar á Hringbraut í gær.
„Það er ótrúlegt. Maður hefur annað hvort verið að draga úr Gróttu í sumar eða beðið eftir að þeir misstigi sig. Þetta er bara lið sem er hörku vel þjálfað. Þeir hafa verið saman lengi. Þetta er lið sem var mótað af Óskar Hrafni og Chris Brazell hefur svolítið tekið við því bara, aðeins breytt til,“ segir Hrafnkell Freyr Ágústsson, sérfræðingur þáttarins.
Hrafnkell segir mikla gleði skína af liði Gróttu.
„Það er mikið af fljótum strákum, strákar sem eru til í að skjóta fyrir utan teig. Menn eru svolítið mikið að hafa gaman að þessu bara.“