Grótta er komið í toppsæti Lengjudeildar karla en heil umferð fór fram af leikjum í kvöld.
Grótta vann 3-1 heimasigur á Fjölni í kvöld og er nú eina liðið með 19 stig en þrjú lið fylgja á eftir með 18.
Eitt af þeim liðum er Fylkir sem vann öruggan sigur á Þrótt Vogum sem hefur ekkert getað í sumar.
Fylkir vann sannfærandi 3-0 útisigur og er Þróttur enn með tvö stig á botninum án sigurs.
Afturelding vann mjög góðan 2-1 sigur á Kórdrengjum eftir að hafa lent undir mjög snemma leiks.
Axel Freyr Harðarson er nýkominn endanlega til Kórdrengja og fékk að líta tvö gul spjöld og þar með rautt í kvöld.
Tvö rauð spjöld fóru þá á loft í Kórnum er HK vann dramatískan sigur á Grindavík. Valgeir Valgeirsson og Bjarni Páll Linnet Runólfsson fengu þau en sá síðarnefndi sat á varmaannabekknum en lét einhver ófögur orð falla.
Grindavík jafnaði metin úr vítaspyrnu á lokamínútunnu en stuttu seinna skoraði Bruno Soares sigurmark HK þar sem dramatíkin réð ríkjum.
Grótta 4 – 1 Fjölnir
1-0 Óliver Dagur Thorlacius (‘7)
2-0 Kristófer Orri Pétursson (’24)
2-1 Reynir Haraldsson (’35)
3-1 Kjartan Kári Halldórsson (’70)
4-1 Kjartan Kári Halldórsson (’83)
Afturelding 2 – 1 Kórdrengir
0-1 Fatai Gbadamosi (‘3)
1-1 Elmar Kári Enesson Cogic (‘4)
2-1 Javier Ontiveros Robles (’76)
Þróttur V. 0 – 3 Fylkir
0-1 Mathias Laursen (‘5)
0-2 Þórður Gunnar Hafþórsson (’11)
0-3 Arnór Gauti Jónsson (’45)
HK 2 – 1 Grindavík
1-0 Örvar Eggertsson (‘2)
1-1 Tómas Leó Ásgeirsson (’90, víti)
2-1 Bruno Gabriel Soares (’90)