Samband Diego Simeone og Alvaro Morata er ónýtt en þetta segir fyrrum leikmaður Atletico, Juanfran Torres.
Það er Marca sem hefur þetta eftir Juanfran sem vonar innilega að þeir geti náð sáttum eftir erfiða mánuði saman.
Morata er samningsbundinn Atletico næstu 12 mánuðina en hann spilaði alls 48 leiki á síðustu leiktíð og skoraði 12 mörk.
Morata hefur ekki alveg náð að sýna sitt besta síðan hann kom endanlega til Atletico árið 2020 en lék fyrir það með liðinu í láni frá Juventus.
Samband Morata og Simeone er víst í molum þessa dagana og gæti Spánverjinn verið fáanlegur í sumar.
Simeone er opinn fyrir því að selja Morata fyrir um 25 milljónir evra en hann mun líklega ekki spila leiki fyrir félagið næsta vetur.