Matt Le Tissier var rekinn frá Sky Sports árið 2020 en ein af ástæðum þess var skoðun hans á COVID og þeim reglum sem settar voru á fólk .
Le Tissier var á móti bóluefnum og taldi að þær samkomutakmarkanir sem settar voru á líf fólks væru ekki réttar.
„Ég átti sjö mánuði eftir af samningi mínum en mér var tjáð að ég þyrfti ekki að mæta meira,“ sagði Le Tissier sem var hluti af Soccer Saturday.
„Ég fékk ekki neinar sérstakar ástæður. Ég spurði hvort þetta hefði eitthvað með færslur mínar að gera á samfélagsmiðlum. Þeir sögðust þurfa að hugsa út í ímynd fyrirtækisins.“
Le Tissier spurði þá starfsmenn Sky út í atvik frá 2018 þegar Jamie Carragher hrækti á stelpu. „Þeir settu hann í bann í sex mánuði og svo mætti hann aftur, ég spurði út í hvort það hefði ekki skaðað fyrirtækið. Þau vildu þá ekki ræða það meira.“