Newcastle hefur áhuga á því að kaupa Neymar frá Paris Saint-Germain í sumar samkvæmt fréttum í Frakklandi.
Franska félagið er tilbúið að selja Neymar í sumar en félagið ætlar að byggja upp liðið í kringum Kylian Mbappe.
L’Equipe í Frakklandi segir hins vegar að Neymar hafi ekki neinn einasta áhuga á því að ganga í raðir Newcastle.
Juventus skoðar þann kosta að kaupa Neymar í sumar en hann er með samning til ársins 2027 við PSG.
Neymar er dýrasti knattspyrnumaður í sögunni en PSG keypti hann frá Barcelona árið 2017 fyrir 200 milljónir punda.
Newcastle vill styrkja lið sitt í sumar en nýir eigendur félagsins frá Sádí Arabíu hafa mikla fjármuni á milli handanna.