Það fór fram stórskemmtilegur leikur á Seltjarnarnesi í kvöld er Grótta og Fylkir áttust við í Lengjudeildinni sívinsælu.
Um er að ræða tvö lið sem stefna aftur upp í efstu deild en Fylkismenn svöruðu kallinu í kvöld og unnu frábæran sigur.
Fylkir skoraði fimm mörk gegn tveimur frá Gróttu og er í öðru sæti deildarinnar með 14 stig, stigi á eftir toppliði HK. Grótta er með 13 stig í fjórða sæti.
Kjartan Kári Halldórsson fékk að líta rautt spjald hjá Gróttu á 55. mínútu og spilaði liðið því lengi vel manni færri.
Í hinum leik kvöldsins heimsóttu Kórdrengir einmitt lið HK og lauk þeim leik með 3-1 sigri þess síðarnefnda.
Stefán Ingi Sigurðarson gerði tvö mörk fyrir HK í sigrinum en öll mörk leiksins komu í seinni hálfleik.
Grótta 2 – 5 Fylkir
0-1 Nikulás Val Gunnarsson (‘6, víti)
0-2 Mathias Laursen (’36)
1-2 Kjartan Kári Halldórsson (’48, víti)
1-3 Benedikt Daríus Garðarsson (’49)
1-4 Þórður Gunnar Hafþórsson (’71)
1-5 Hallur Húni Þorsteinsson (’78)
2-5 Luke Rae (’89)
HK 3 – 1 Kórdrengir
1-0 Stefán Ingi Sigurðarson (’46)
2-0 Ásgeir Marteinsson (’56)
2-1 Þórir Rafn Þórisson (’58)
3-1 Stefán Ingi Sigurðarson (’73)