Jorginho leikmaður Chelsea ætlaði sér að spila á útivelli nú þegar hann er staddur á Miami. Þannig bjó Jorginho sér til aðganga á stefnumótaforritinu Raya.
Jorginho er hins vegar í ástarsambandi en hann á kærustu og barn sem eru í London. Chelsea er í æfingaferð á Miami þessa dagana.
„Ég var hissa þegar ég rakst á hann á Raya. Ég vissi að hann ætti kærustu. Aðgangur hans var með haug af myndum af honum að spila með Chelsea og Ítalíu. Það er svo mynd af honum berum að ofan,“ segir heimildarmaður enskra blaða sem rakst á hann á Raya.
„Við tengdumst á Raya en ég vildi ekki senda skilaboð því ég vissi að hann ætti maka.“
Aðgangur Jorginho var tengdur við Instagram síðu hans þar sem hann er með rúmlega 3 milljónir fylgjenda.
Jorginho er þrítugur en hann hefur frá 2020 verið í sambandi með Catherine Harding en saman eiga þau eitt barn.