fbpx
Fimmtudagur 23.júní 2022
433Sport

Grétar Rafn um hvort það sé kostnaðarsamt fyrir KSÍ að ráða hann – ,,Nei ég get lofað þér því að það er það ekki.“ 

Aron Guðmundsson
Fimmtudaginn 27. janúar 2022 17:34

Grétar Rafn á blaðamannafundi / Ernir/Torg

Ekki missa af Helstu tíðindum dagsins í pósthólfið þitt

Lesa nánar

Grétar Rafn Steinsson, var fyrir nokkrum vikum ráðinn inn sem tæknilegur ráðgjafi hjá Knattspyrnusambandi Íslands á knattspyrnusviði. Grétar krotaði undir sex mánaða samning við samabandið en hann kemur til KSÍ eftir að hafa sinnt stöðu meðal annars hjá enska úrvalsdeildarfélaginu Everton þar sem að hann var yfirnjósnari félagsins í Evrópu áður en hann fékk stöðuhækkun og tók við starfi yfirmanns ráðninga og þróunarmála hjá félaginu.

Vanda Sigurgeirsdóttir, formaður KSÍ, var spurð að því að blaðamannafundi sambandsins í dag hvort að ráðningin á Grétari Rafni væri kostnaðarsöm fyrir sambandið. ,,Örugglega ekki,“sagði Vanda áður en að Grétar Rafn, sem sat einnig fyrir svörum á blaðamannafundinum greip orðið: ,,Nei ég get lofað þér því að það er það ekki.“ 

Grétar Rafn mun sinna greiningarvinnu innan KSÍ, sem mun gagnast félagsliðum og öllum landsliðum, þar á meðal t.d. A landsliði kvenna sem tekur þátt í úrslitakeppni EM á Englandi í sumar.

Á meðal helstu verkefna Grétars Rafns eru þarfagreining og skimun (scouting) innan Knattspyrnusviðs KSÍ, vinna að stefnumótun, fagleg efling á greiningarvinnu innan íslenskrar knattspyrnu almennt (landslið og félagslið) í samvinnu og samráði við starfsmenn Knattspyrnusviðs KSÍ og fulltrúa aðildarfélaganna eins og við á (í formi funda, námskeiða og fyrirlestra), samhæfing á greiningarvinnu og skimun yngri og eldri landsliða í samvinnu og samstarfi við þjálfara liðanna, og ábyrgð á þróun gagnagrunns sem heldur utan um gögn Knattspyrnusviðs KSÍ.

Arnar Þór Viðarsson, landsliðsþjálfari íslenska karlalandsliðsins segir KSÍ vera að taka metnaðarfullt skref með ráðningu Grétars Rafns.

,,Það sem er metnaðarfullt við þetta er að við erum að fara inn í lokamót með A-landsliði kvenna og mikilvægt uppbyggingarár hjá A-landsliði karla. Fyrstu verkefni hjá Grétari eru þessi mót hjá landsliðunum og sjá til þess að teymin fyrir þessi verkefni séu tilbúin. Svo er hitt verkefnið að koma skimunar- og greiningarvinnunni í farveg hjá KSÍ og aðildarfélaga þess. Þetta eru tvö metnaðarfull verkefni fyrir sex mánuði en við erum alveg pottþétt á því og ég veit að Grétar getur klárað þessi verkefni á sex mánuðum og svo sjáum við til hvar við stöndum eftir þá,“ sagði Arnar Þór í samtali við 433.is

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

433Sport
Fyrir 16 klukkutímum

Sigurður Víðisson verður nýr þjálfari KV

Sigurður Víðisson verður nýr þjálfari KV
433Sport
Fyrir 16 klukkutímum

Eistar segja frammistöðu sinna manna í Víkinni í gær skammarlega

Eistar segja frammistöðu sinna manna í Víkinni í gær skammarlega
433Sport
Fyrir 18 klukkutímum

Vill frekar AC Milan en Liverpool

Vill frekar AC Milan en Liverpool
433Sport
Fyrir 19 klukkutímum

Neymar til sölu

Neymar til sölu
433Sport
Fyrir 22 klukkutímum

Óttast að Grealish fari sömu leið og gömul stjarna í enska boltanum

Óttast að Grealish fari sömu leið og gömul stjarna í enska boltanum
433Sport
Fyrir 22 klukkutímum

Mane rífur þögnina eftir að hafa yfirgefið Liverpool

Mane rífur þögnina eftir að hafa yfirgefið Liverpool
433Sport
Fyrir 23 klukkutímum

Þú getur farið í klippingu á fótboltaleik á Íslandi í fyrsta sinn á föstudag

Þú getur farið í klippingu á fótboltaleik á Íslandi í fyrsta sinn á föstudag
433Sport
Í gær

Götze mættur aftur til Þýskalands

Götze mættur aftur til Þýskalands