Georginio Wijnaldum vill snúa aftur til Englands aðeins hálfu ári eftir að hann yfirgaf Liverpool á frjálsri sölu.

Hollenski miðjumaðurinn var ósáttur með þau laun sem Liverpool bauð honum og gekk í raðir PSG.

Hjá PSG hefur hins vegar ekkert gengið upp og segir Sky Sports frá því að Wijnaldum vilji nú ganga í raðir Arsenal.

Wijnaldum er sagður spenntur fyrir því að búa í London og telur að skref í höfuðborgina sé það rétta fyrir sinn feril.

Wijnaldum átti frábær ár hjá Liverpool og Newcastle áður en hann fór til Frakklands þar sem hann hefur að mestu verið á bekknum.